Armand Duka eshte Presidenti i Federatës Shqiptare të Futbollit. Ai ka vendosur të kontribuojë në futbollin shqiptar në mënyrë serioze duke kandiduar si President i FSHF-së në vitin 2002 me disa objektiva te rendesishme për të ardhmen.
Pavarësia e institucionit në drejtimin profesional te futbollit, shëndoshja e buxheteve financiare duke thithur investime dhe sponsorizime dhe një pjesëmarrje dinjitoze në organizmat ndërkombëtare kanë qënë disa nga sfidat e tij tanimë të realizuara.
Rritja dhe zhvillimi i skuadrave përfaqësuese në organizim dhe në rezultate teknike, ndërtimi i një stadiumi modern kombëtar dhe një kualifikim i mundshëm i Shqipërisë në fazën finale të Europianit Francë 2016 janë disa nga objektivat aktualë të Presidentit Duka dhe insistucionit që ai drejton.
Curriculum Vitae
| Emri | Armand |
| Mbiemri | Duka |
| Kombesia | Shqiptare |
| Shtetesia | Shqiptare |
| Gjendja civile | I martuar me dy femije |
| Datelindja | 07.10.1962 |
| Gjuha amtare | Shqip |
| Gjuhet e huaja | Anglisht dhe Italisht |
| Profesioni | Ekonomist |
Arsimimi :
1981-1986 Universiteti i Tiranes, Dega E Ekonomise për Industri
Eksperienca:
1986-1990 Ekonomist në Parkun e Mallrave ne Burrel
1990-1991 Ekonomist ne parkun e mallrave te eksportit ne Durres
1991-1993 Vetëpunësim në biznes privat
Karriera në Biznes: 1993 – aktualisht
Sipërmarrës privat: krijon kompaninë AIBA sh.a., një ndër kompanitë më të njohura në vend për prodhim dhe tregti të produkteve blegtorale
Gootech elektronik: distributor i dhe Licence Eksklusive i pajisjeve elektroshtëpiake
Ecomarcet food: distributor e rrjet tregtar ushqimor
Aksioner e drejtues në disa bisnese te tjera ne sektoret e prodhimit, telefonise, media, etj
Eksperienca në FSHF:
2002 Zgjidhet president i Federatës Shqiptare të Futbollit
2006 Zgjedhur per here te dyte president
2010 Zgjedhur per here te trete president
Eksperienca në UEFA:
2004-2006 Anëtar i Komitetit të Federatave
2006-2008 Zv/kryetar i Komitetit të Federatave
2008 – në vazhdim Zv/kryetar i Komitetit të Kompeticioneve të Ekipeve Kombëtare
Eksperienca në FIFA
2008-2012 Anëtar i komitetit te Federatave
2012-2013 Anëtar i Komitetit Organizator të Kupës se Konfederatave
Tituj nderi:
1998: Bashkia e Shijakut i jep Titullin “Qytetar Nderi” për kontributin që ka dhënë, si president i klubit të qytetit.
2001: Bashkia e qytetit të Durresit dhe shoqata “Durrësi” i jep titullin “Nderi i Qytetit”, për kontribut dhënë në zhvillimin ekonomik të qytetit si dhe për vlerat e spikatura, profesionale dhe humane, në dobi të interesave të qytetit
2002: Bashkia e qytetit te Durresit dhe Shoqata “Durresi” i jep titullin ‘Simbol i Qytetit të Durrësit” për kontributin e rëndësishëm në zhvillimin ekonomik të qytetit, në mbështetjen e aktiviteteve për promovimin e historisës dhe kulturës qytetare durrsake, për vlerat e spikatura intelektuale e humane.
2003: Bashkia e qytetit te Durresit e shoqata “Durrësi”, i jep titullin “Dyrrah – 3000”
2010: Presidenti i Republikës së Shqipërisë Bamir Topi, e dekoron me titullin e lartë “Naim Frashëri” të Klasit të Parë, për kontribut të shquar, në drejtimin dhe zhvillimin e futbollit shqiptar
Roli dhe Kompetencat e Presidentit te FSHF-se
Presidenti është përfaqësuesi ligjor i FSHF-së dhe figura përfaqësuese e institucionit të futbollit. Ai është shprehje e unitetit të institucionit dhe sigurisht është përcaktues në politikat e tij për zhvillimin e futbollit shqiptar. Presidenti zgjidhet drejtëpërdrejt nga Asambleja e Përgjithshme Zgjedhore, e cila mbahet nje here ne kater vjet.
Për t’u zgjedhur president, kandidati ka nevojë për 2/3 e votave të vlefshme. Në rastet kur asnjë nga kandidatët nuk arrin këtë shumicë, bëhet një raund i dytë zgjedhjesh midis dy kandidatëve që kanë marrë më shumë vota në raundin e parë. Në raundin e dytë, kandidati që merr më shumë vota (50% +1) zgjidhet President.
Presidenti i Federatës Shqiptare të Futbollit, është përcaktues si në politikat e brendshme ashtu edhe në ato të jashtme të institucionit të futbollit. Ai është hartuesi kryesor i strategjisë që do të ndjekë Federata e Futbollit dhe ndjek në dinamikë, detyrat dhe objektivat e një programi të miratuar nga Asambleja e Përgjithshme.
Detyrat e Presidentit të Federatës Shqiptare të Futbollit janë si më poshtë: Të mbledhë Asamblenë e Përgjithshme dhe Komitetin Ekzekutiv. Ai gjithashtu drejton Asamblenë e Përgjithshme dhe mbledhjet e Komitetit Ekzekutiv. Presidenti i FSHF mbikqyr zbatimin e vendimeve të miratuara nga Asambleja e Përgjithshme dhe Komiteti Ekzekutiv dhe siguron funksionimin e rregullt dhe efektiv të organeve dhe departamenteve te FSHF-së në mënyrë që të arrihen objektivat e përcaktuara.
Presidenti dhe Sekretari i Përgjithshëm ose njëri nga zevendës presidentët dhe Sekretari i Përgjithshëm mund të firmosin së bashku në emër të FSHF-së përveç rasteve ku është vendosur ndryshe në rregulloret e brendshme organizative të Sekretariatit të Përgjithshëm të FSHF-së.
Presidenti i Federatës Shqiptare të Futbollit, mban lidhjet midis FSHF-së dhe anëtarëve të saj, konfederatave nderkombetare FIFA dhe UEFA, me organizmat politike dhe organizata të tjera. Ai mbikqyr funksionimin e Sekretariatit të Përgjithshëm. Presidenti emëron trajnerët dhe stafet teknike të ekipeve kombëtare, pasi është konsultuar me anëtarët e Komitetit Ekzekutiv.
Në rastet kur Presidenti mungon, detyrat e tij plotësohen nga zevendës-Presidenti i parë. Në rast se edhe ky i fundit mungon, atëherë përgjegjësinë e merr zevendës-Presidenti i dytë. Në rastet kur Presidenti jep dorëheqjen gjatë mandatit të tij, Komiteti Ekzekutiv zgjedh një nga anëtarët e tij të kryejë funksionin e Presidentit të përkohshëm. Komiteti Ekzekutiv mund të thërrasë Asamblenë e Përgjithshme të jashtëzakonshme për të zgjedhur një President të ri për kohën e mbetur nga mandati. Nëse Asambleja e Përgjithshme e radhës mbahet brenda gjashtë muajve atëhere nuk mblidhet Asambleja e Përgjithshme e jashtëzakonshme dhe zevendës-Presidenti i Parë merr funksionet e Presidentit.